Шолбан Кара-оол: «Оруктарны айыыл чок кылдыр кылыр херек»
Шолбан Кара-оол: «Оруктарны айыыл чок кылдыр кылыр херек»
Тываның Чазаа чазын суг үерлээр байдалды аппарат хуралынга сайгарып чугаалашкан. Мөңгүн-Тайга кожуунда бо байдал нарыыдап турар. Хемниң суу чайындылааш, Кызыл-Хая суурнуң талазынче углай бадып турар дээрзин Мөңгүн-Тайга кожууннуң чагырыкчызы дыңнаткан.
– Февраль айның төнчүзүнде тус черниң сайгарлыкчылары, «Мөген-Бүрен» бүдүрүлгезиниң болгаш чагырганың төлээлери кады, чамдык малчын аалдарга дузалашкан. Берге орук-чирикти эртип шыдаар улуг чүък машиназы бээрге, ооң дузазы-биле малчыннарга аъш-чемни болгаш сигенни кежирип берген бис. Калчан артты ажар орук дыка тайгактыг. Тоолайлыг, Кызыл-Хая суурлар-биле телефон дамчыштыр харылзажып турар бис – деп чагырыкчы чугаалаан. Олар тос малчын аалдарга барып четкеш, хынап чораан. Хөй кезииниң байдалы ажырбас болган.
Тываның Баштыңы медээни кичээнгейге хүлээп алганын дыңнаткаш, «Орук айыыл чок болур ужурлуг, хемчээн алырын диледим» – деп, Чазак Даргазы чугаалаан.
#Аппаратхуралы #Шолбанкара_оол #Мөңгүн_тайгакожуун #Оруктар #ТМГмедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
